१६ चैत्र, बर्दिया

चितवनको सौराहा मुख्य कार्यालय रहेको कल्पवृक्ष गूड्स प्रा लिले देशै भरिका महिलाहरुलाई उद्यमी एवं आत्मनिर्भर बन्न मुख्य भूमिका खेल्दै आइरहेको छ।

यसै गरि बर्दियाको बढैयाताल गाउँपालिकाका महिलाहरु पनि सो संस्थामा आवद्ध भइ आत्मानिर्भर बन्ने प्रयास गर्दै आइरहेका छन्।

कल्पवृक्ष गूड्स प्रा लि ले चुल्हो–चौकामा सीमित महिलालाई उद्यमशील बनाएर समाजको मूल प्रवाहमा ल्याउने सीप सिकाएर थुप्रै महिलालाई आफ्नो खुट्टामा उभिन सक्ने बनाइसकेको छ।

बढैयाताल गाउँपालिकामा इन्डक्सन चुल्हो, स्यानिटरी प्याडको प्रयोग, एलईडी बल्व, सोलार वाटर पम्प, कृषि औजार, वाटर फिल्टर सप्लाइमा महिला समूह मार्फत काम भैरहेको छ।

उक्त संस्थाले गुणस्तरीय ब्राण्डका घरायसी सामान आधिकारिक बिक्रेता मार्फत होलसेलमा खरिद गरि उद्यमी महिलाहरु मार्फत अनकन्टार क्षेत्रमा पुराइरहेको छ।

बढैयाताल गाउँपालिकाका महिलाहरुले उक्त कार्यमा लागि उद्यमी बनि संस्थाले तोकेको थ्रेशोल्ड पार गरि विभिन्न प्रकारका गिफ्ट ह्याम्पर पनि हात पार्न सफल भएका छन्।

आफुहरु उक्त सन्स्थामा आवद्ध भइ निश्चित रकम आम्दानी हुदा घर सहज रुपमा धानेको समेत बताउछन्।

कल्पवृक्ष गूड्स प्रा लि बर्दियाकी क्षेत्रीय प्रबन्धक पवित्र अर्याल भन्नु हुन्छ, ” हाम्रो पहिलो उद्देश्य सामान बेच्ने नभई महिलालाई सशक्तीकरण गर्ने, क्षमता विकास गर्ने, समाजको मूल प्रवाहमा ल्याउने र व्यावसायिक क्षमता बढाउने हो।